اسلام آباد (این این آئی) پاکستان تحریک انصاف کے رہنما ڈاکٹر شہباز گل نے ایک بار پھر وزیراعلیٰ سندھ کو تنقید کا نشانہ بناتے ہوئے کہا ہے کہ مراد علی شاہ صاحب معاف کردویار، آپ اتنا خوف کیوں پھیلا رہے ہیں، اتنی غلط بیانی کیوں؟۔ ایک بیان میں انہوںنے کہاکہ مراد علی شاہ صاحب معاف کردویار، آپ اتنا خوف کیوں پھیلا رہے ہیں، اتنی غلط بیانی کیوں؟کس مشن پر ہیں آپ؟ میں آپ کی نیت پرشک نہیں کرنا چاہتا لیکن
جب آپ کے سارے بیان دیکھتا ہوں تولگتا ہے کہ آپ کسی مشن پر ہیں۔انہوںنے کہاکہ کورونا بہت خطرناک ہے درست، مگر غلط بیانی مت کریں، بعض اوقات ریکارڈ کو درست کرنا مجبوری بن جاتی ہے۔شہباز گل نے کہا کہ مراد شاہ نے جذباتی پریس کانفرنس میں کہا کہ میں نے بھوک سے مرتے کسی کو نہیں دیکھا، سندھ ہائیکورٹ میں سندھ حکومت نے بتایا کہ قحط سے سندھ میں1340 بچے غذائی کمی کے باعث جاں بحق ہوئے۔
