راولپنڈی(آن لائن) مسلم لیگ ق سے تحریک انصاف میں آنے والے رکن صوبائی اسمبلی کی جانب سے اعلان کردہ 300بستروں پر مشتمل کورونا فیلڈ ہسپتال حقیقت میں صرف 40بستروں پر مشتمل نکلا وزیر اعلیٰ پنجاب کی 2روز قبل راولپنڈی آمد سے قبل مقامی رکن صوبائی اسمبلی چوہدری عدنان نے اپنے ملکیتی جان شادی ہال میں فیلڈ ہسپتال کے قیام کا اعلان کیا تھا جبکہ وزیر اعلیٰ عثمان بزدار کی آمد کے موقع پر راولپنڈی کے بیشتر اراکین اسمبلی کے دباؤ اور دعوت پر انہوں نے ہسپتال کا دورہ بھی کیا تھا جہاں پر وزیر اعلیٰ
کے سامنے اسے 300 بستروں کا ہسپتال ظاہر کیا گیا جبکہ گنجان رہائشی علاقے میں واقع شادی ہال میں قائم فیلڈ ہسپتال کو مقامی افراد نے مکینوں کے لئے پہلے ہی خطرہ قرار دیا تھاجس پر محکمہ ہیلتھ پنجاب نے رہائشی علاقے میں سے باہر سکول کالجز اور یونیورسٹیز میں فیلڈ ہسپتال قائم کرنے ہدایت کر دی اس ضمن میں ذرائع کا یہ بھی کہنا ہے کہ عوامی رد عمل کے باعث اس فیلڈ ہسپتال کو پولیس اور ضلعی انتظامیہ کے عملے کے لئے عارضی قیام گاہ کے طور استعمال کرنے کا بھی فیصلہ کیا گیا ہے۔
