کراچی (این این آئی) وزیراعلی سندھ سید مراد علی شاہ نے کہا ہے کہ سندھ میں کورونا وائرس سے اموات کی شرح2اعشاریہ 4ہوگئی ہے، جو بہت تشویشناک ہے اور1523کیسز میں سے 150نئے کورونا وائر س کے کیس سامنے آئے ہیں اور یہی وجہ ہے کہ حکومت نے لاک ڈاؤن میں مزید 14 دن کی توسیع کی ہے اور ہم اس وائرس سے اپنے لوگوں کو محفوظ رکھنے کے لیے لاک ڈاؤن کو مزید سخت کرنے جارہے ہیں، یہ کہنا غلط ہے کہ ملک میں کورونا کیسز کی شرح دوسرے ملکوں سے کم ہے،

سندھ میں لاک ڈان کے دوران افراتفری کشیدگی کا کوئی خطرہ نہیں ہے،وزیراعظم جب چاہیں سندھ آئیں مگر درخواست ہے کہ مجمع کو ساتھ نہ لائیں بغیر پروٹوکول وزیراعظم سندھ حکومت کی ایس او پیز پر عمل کرکے سندھ کا دورہ کرسکتے ہیں۔انہوں نے کہاکہ صبح 8 سے شام 5 بجے تک لاک ڈاون کی پالیسی برقرار رہے گی جب کہ ہم نے پلمبر، درزی اور ہیئر ڈریسرز کو دکانیں کھولنے سے منع کردیا ہے۔ ان خیالات کا اظہارانہوں نے سندھ اسمبلی بلڈنگ کے آڈیٹوریم میں پریس کانفرنس سے خطاب کرتے ہوئے کہی۔

موضوعات:وزیراعلیٰ سندھ سید مراد علی شاہ