اسلا آباد (این این آئی)این ڈی ایم اے اور محکمہ صحت نے کہا ہے کہ ملک میں بائیولوجیکل ماہرین کی کمی کورونا وائرس ٹیسٹ نہ ہونے کی وجہ ہے۔نیشنل ڈیزاسٹر مینجمنٹ اتھارٹی (این ڈی ایم اے) اور محکمہ صحت کی جانب سے وزیراعظم عمران خان کو پیش کی گئی رپورٹ میں بتایا گیا ہے کہ کورونا وائرس کی تشخیص کے لیے ٹیسٹ نہ ہونے کی وجہ ملک میں بائیولوجیکل ماہرین کی کمی ہے۔ذرائع کے مطابق این ڈی ایم اے اور این آئی ایچ ٹیسٹنگ کی استعداد کار بڑھانے کے
لیے متحرک ہو گئی ہے اور پرائیویٹ اور سرکاری لیبارٹریز میں عملے کو خصوصی ٹریننگ دینے کا بھی فیصلہ کیا گیا ہے۔ذرائع کے مطابق پاکستان میں کورونا ٹیسٹنگ کی صلاحیت 16 ہزار یومیہ تک پہنچ چکی ہے جبکہ ٹیسٹنگ کٹس چاروں صوبوں کے محکمہ صحت کو فراہم کردی گئیں ہیں۔ذرائع کے مطابق عملہ نہ ہونے کی وجہ سے صرف 2 ہزار سے 2200 ٹیسٹ یومیہ ہورہے جبکہ آئندہ چند دنوں میں ٹیسٹنگ کی صلاحیت 25 ہزار یومیہ تک پہنچ جائے گی۔
