جہانیاں (آن لائن) صوبہ پنجاب کے ضلع خانیوال میں کوروناوائرس کا پہلا کیس سامنے آگیا،دس روز قبل یورپ سے آنے والے نوجوان کی رپورٹ پازیٹونکلی،ڈپٹی کمشنر کی ہدایت پر انتظامیہ نے علاقہ کو لاک ڈاؤن کر دیا۔تفصیل کے مطابق پاکستان کے صوباہ پنجاب کے ضلع خانیوال میں کورونا وائرس سے متاثرہ پہلا کیس سامنے آ گیا،
نواحی علاقہ چک14ایٹ آر کا رہائشی نوجوان عمران حسین جو کہ یورپ کے ملک سپین سے دس روز قبل واپس لوٹا تھااسے گلے میں خراش کے سبب 26مارچ کو ڈسٹرکٹ ہیڈ کوارٹر ہسپتال خانیوال منتقل کیا گیا تھا جہاں اس کی کورونا کی رپورٹ مثبت نکلی۔عمران حسین کے اہل خانہ اور عزیز رشتہ داروں سمیت 15 افراد کو قرنطینہ منتقل کر دیا گیا ہے جبکہ ضلعی انتظامیہ نے چک14ایٹ آر کے علاقہ کو مکمل لاک ڈاؤن کر دیا ہے۔محکمہ صحت کی پانچ ٹیمیں علاقہ کے لوگوں کی سکریننگ کرینگی۔دریں اثناء ڈپٹی کمشنر ظہیر عباس شیرازی اور ڈسٹرکٹ پولیس آفیسر محمد علی وسیم نے 14ایٹ آر گل آباد کے رہائشی یورپ پلٹ نوجوان عمران حسین میں کورونا وائرس کی تصدیق ہونے کے بعد علاقہ کا دورہ کیا اور علاقہ میں لاک ڈاؤن اور مکینوں کی سکریننگ کا جائزہ جائزہ لیا انہوں نے موقع پر موجود افسران کو ہدایات بھی دیں ڈپٹی کمشنر نے اس موقع پر بتایا کہ محکمہ صحت کی پانچ ٹیموں کی سکریننگ کیلئے ڈیوٹیاں لگادی گئی ہیں – ڈپٹی کمشنر نے بتایا کہ کورونا وائرس سے متاثرہ نوجوان کو گلے میں درد پر 26 مارچ کو ڈی ایچ کیو ہسپتال لایا گیا جہاں سکریننگ کرانے پر اس کی رپورٹ پازیٹو نکلی – ڈپٹی کمشنر نے مزید بتایا کہ نوجوان کے اہلخانہ کے 15 افراد کو بھی خانیوال پبلک سکول میں قائم قرنطینہ میں منتقل کردیا گیا ہے جہاں پر ان کو ایس او پیز کے مطابق سہولیات فراہم کی جارہی ہیں – ڈسٹرکٹ پولیس آفیسر نے اس موقع پر عوام سے اپیل کی کہ لاک ڈاؤن کے دوران انتظامیہ سے تعاون کریں –
