اسلام آباد(مانیٹرنگ ڈیسک) پشاور میں شادی کی تقاریب منعقد کرنے پر 3 دلہے گرفتار، تفصیلات کے مطابق ضلعی انتظامیہ پشاورنے کارروائی کرتے ہوئے پابندی کے باوجود شادی کی تقاریب منعقد کرنے پر 3 دلہوں کو گرفتار کرلیا۔پولیس نے کیٹرنگ اور دیگر سہولیات دینے والوں کو بھی گرفتار کرلیاجن کے خلاف قانونی کاروائی عمل میں لائی جائے گی۔اسسٹنٹ کمشنر متنی رضوانہ ڈار

کا کہنا تھا گرفتار دلہوں کو پیشگی وارننگ دی گئی تھی کہ وہ تقریب منعقد نہ کریں لیکن وارننگ کے باوجود 500 افراد کا مجمع اکٹھا کیا گیا جس پر کارروائی کی گئی۔دوسری جانب ڈپٹی کمشنر پشاور محمد علی اصغر نے عوام کو ہدایت کی ہے کہ کورونا وائرس کے پھیلاؤ کے خدشات کو روکنے کے لیے شادی بیاہ کی تقاریب منعقد کرنے سے اجتناب کریں بصورت دیگر سخت ایکشن لیا جائیگا۔