راولپنڈی( آن لائن) سیکیورٹی فورسز کے خفیہ اطلاع پر دتہ خیل میں دہشتگردوں کے ٹھکانے پر آپریشن میں فائرنگ کے تبادلے میں 7 دہشت گرد ہلاک ہو گئے جبکہ پا ک فوج کے ایک افسر سمیت چار اہلکار شہید اور ایک زخمی ہو گئے۔ بدھ کے روز آئی ایس پی آر سے جاری بیان کے مطابق سیکیورٹی فورسز نے خفیہ اطلاع پر دہشتگردوں کے ٹھکانے پر آپریشن کیا ہے۔ سیکیورٹی فورسز کے شمالی وزیر ستان کے علاقے دتہ خیل میں آپریشن کے دوران دہشت گردوں نے اہلکاروں پر فائرنگ کر دی

سیکیورٹی فورسز کے ساتھ فائرنگ کے تبادلے میں سات دہشتگرد مارے گئے جبکہ پا ک فوج کے ایک افسر سمیت چار اہلکار شہید اور ایک زخمی ہوئے، پا ک فوج کے شہید ہونے والے افسر لیفٹینٹ آغا مقدس علی خان کا تعلق لاہور سے ہے جبکہ حوالدار قمر ندیم اور سپاہی محمد قاسم کا تعلق لیہ سے ہے جبکہ سپاہی توصیف شہید نارووال کے رہائشی ہیں ۔سیکیورٹی فورسز نے دہشتگردوں کے ٹھکانے پر آپریشن کے دوران بڑی تعداد میں اسلحہ ، بارودی مواد اور دیگر سامان بھی برآمد کیا ہے۔

موضوعات:پاک آرمی