اسلام آباد (این این آئی)پاکستان پیپلز پارٹی سینٹر روبینہ خالد نے فیاض الحسن چوہان کے بیانات پر ردعمل کا اظہار کرتے ہوئے کہا ہے کہ معذور بچے اللہ کا تحفہ اور اپنے پیارے بندوں کی آزمائش ہوتے ہیں۔ منگل کو ایک بیان میں سینٹر روبینہ خالد نے کہاکہ اللہ کا عذاب معذور بچے نہیں بلکہ پاکستان پر اس وقت عذاب موجودہ حکومت اور اس طرح کے خالی اور
کنْد ذہین وزرا ہیں۔ سینٹر روبینہ خالد نے کہاکہ معذور بچوں کے بھی اس ملک کے باقی شہریوں کی طرح مساوی حقوق ہیں۔ انہوں نے کہاکہ وزیر موصوف کو خود کسی اچھے ڈاکٹر کو چیک کروانے کی ضرورت ہے۔ انہوں نے کہاکہ پوری قوم موجودہ حکومت کی شکل میں مسلط اللہ کے عذاب سے دن رات جلد جان چھوٹنے کی دعا کر رہی ہے۔
