کراچی(این این آئی)کورونا وائرس کے پیش نظر کراچی کے مختلف علاقوں سے پولیس نے ریسٹورینٹ بند کرادیئے ، شہریوں نے کروناوائرس کے حوالے سندھ حکومت کی جانب سے دی جانے والی ہدایات کو پیروں تلے روندھ دیا۔تفصیلات کے مطابق پولیس نے کروناوائرس کے حوالے سے سندھ حکومت کی ہدایات پرشہرقائد کے مختلف علاقوں مچھلی مارکیٹ، راشد منہاس روڈ،گلستان جوہر
سمیت دیگرعلاقوں میں ریسٹورینٹ بند کرادیئے ہیں جبکہ چھوٹے ہوٹلوں کو فی الحال بند نہیں کرایا۔ملک میں کرونا وائرس کے مریضوں میں تیزی سے ہوتے ہوئے اضافے کے پیش نظر سندھ حکومت نے ہدایات جاری کیں جنہیں کراچی کے شہریوں نے پیروں تلے روندھ دیا۔ادھر تقریح گاہوں اور ساحل پر پابندی کے باوجود شہریوں کی بڑی تعداد کراچی سی ویو پہنچی، اس موقع پر شہریوں نے کہاکہ جو ہوگا دیکھا جائے گا۔
