لاہور( این این آئی)جنگ ، جیو گروپ کے ایڈیٹر انچیف میر شکیل الرحمن کی اہلیہ نے اپنے خاوند کی گرفتاری کو لاہور ہائیکورٹ میں چیلنج کر دیا ۔شاہینہ شکیل الرحمن نے بیرسٹر اعتزاز احسن کی وساطت سے دائر درخواست میں چیئرمین نیب، ڈی جی نیب، احتساب عدالت کے جج اور دیگر کو فریق بنایا گیا ہے ۔
درخواست میں موقف اپنایا گیا کہ نیب نے ملزم شکیل الرحمن کو گرفتار کرتے ہوئے 2019 کی بزنس مین پالیسی کی خلاف ورزی کی، احتساب عدالت کے جج نے جسمانی ریمانڈ کے تحریری حکم میں ریمانڈ کی وجوہات بیان نہیں کیں، ڈی جی نیب نے ملزم کی گرفتاری سے قبل چیئرمین نیب سے قانونی رائے نہیں لی۔
