اسلام آباد(آن لائن) وزیراعظم عمران خان نے اپنے ٹویٹ میں کہا ہے کہ کورونا وائرس سے نمٹنے کے لئے اقدامات کی خود نگرانی کر رہا ہوں، بہت جلد قوم سے خطاب کروں گا۔ عوام گھبرائیں نہیں بلکہ حکومت کی جانب سے جاری حفاظتی ہدایات پر عمل کریں۔ ہفتے کے روز ٹویٹر پر جاری پیغام میں وزیراعظم عمران خان نے کہا ہے کورونا وائرس سے نمٹنے کے اقدامات کی خود نگرانی کر رہا ہوں
بہت جلد اس معاملے پر قوم سے خطاب کروں گا، عوام کو گھبرانے کی نہیں احتیاط کی ضرورت ہے۔ عوام کی حکومت کی جانب سے جاری حفاظتی اقدامات پر عمل کریں، وزیراعظم عمران خان نے کہا کہ کورونا وائرس سے لاحق خطرات سے پوری طر ح آگاہ ہیں اپنے عوام کی حفاظت اور صحت کے لئے مناسب اقدامات کئے ہیں عالمی ادارہ صحت نے ہمارے اقدامات کو سراہا ہے۔
