لاہور( این این آئی)سی آئی اے پولیس سٹی کوتوالی نے اندھے قتل کا سراغ لگاتے ہوئے خاتون کے قتل میں ملوث ملزم کو گرفتار کر لیا جو اس کا اپنا خاوند نکلا ۔پولیس کے مطابق راولپنڈی کے رہائشی ملزم وسیم بٹ عرف گڈونے اپنی بیوی رابعہ کو ناجائز تعلقات کے شبہ پر قتل کیا۔ملزم اپنی بیوی کو داتا دربار سلام کروانے کے بہانے موٹر سائیکل پرراولپنڈی سے لاہور لے کر آیا۔

ملزم اپنے3بچوں کی ماں رابعہ کو فائرنگ کر کے قتل کرنے کے بعد واپس موٹر سائیکل پر راولپنڈی فرار ہو گیا تھا۔ملزم وسیم بٹ عرف گڈوکی کراچی کی رہائشی رابعہ بی بی سے 15سال قبل لومیرج ہوئی تھی۔شاطر ملزم نے کسی بھی قسم کے شک سے بچنے کے لیے اپنی بیوی کو لاہور لا کر قتل کیا ۔ ڈی ایس پی سی آئی اے سٹی دانش آصف رانجھا نے جدید ٹیکنالوجی کی مدد سے ملزم کو گرفتار کیا۔

موضوعات:سی آئی اے پولیس نے اندھے قتل کا سراغ