اسلام آباد(آن لائن)وفاقی دارالحکومت اسلام آباد میں درندوں نے ہوس مٹانے کیلئے ایک اور خاتون کو درندگی کا نشانہ بناڈالا،متاثرہ خاتون شوہر کے ہمراہ تھانہ پہنچ گئی ،پولیس نے مقدمہ درج کر کے ملزمان کی تلاش شروع کر دی۔
تفصیلات کے مطابق تھانہ کراچی کمپنی کے علاقے میں خاتون کیساتھ اغواء کے بعد مبینہ زیادتی کا نشانہ بنا ڈالا۔پولیس نے زیادتی کا شکار ہونے والی خاتون کے خاوند کی مدعیت میں مقدمہ درج کرکے ملزمان کیخلاف کارروائی کا آغازکردیا۔درخواست میں کہا گیا ہے کہ چمن سٹیشن سے میری اہلیہ گھر کے لئے گاڑی کا انتظار کر رہی تھی کہ دو ملزمان نے اسلحہ کی نوک پر میری بیوی کو گاڑی میں بیٹھا دیا ،تھوڑے فاصلے پر جا کر ایک اور شخص گاڑی میں سوار ہو گیا،مسلح شخص نے اپنا نام امجد بتایا ہے اور زیادتی کی۔درخواست میں کہاگیا ہے کہ ایک شخص گاڑی چلا رہا تھا کہ جبکہ دیگر2 افراد نے خاتون کو بار بار زیادتی کا نشانہ بنایااور بعد ازاں ملزمان نے میری اہلیہ کو گاڑی باہر پھینک کر چلے گئے ،پولیس نے مقدمہ درج کر کے ملزمان کی تلاش شروع کر دی۔
