اسلام آباد( آن لائن )انسداد دہشت گردی عدالت اسلام آباد جج ویڈیو سکینڈل کے ملزم میاں طارق کی طبی بنیادوں پر ضمانت کی درخواست مسترد کر دی انسداد دہشتگردی کے جج راجہ جواد عباس نے محفوظ شدہ فیصلہ سنا دیا درخواست ضمانت پر حتمی دلائل بروز منگل مکمل ہوئے تھے، ایف آئی اے کی جانب سے پراسیکیوٹر طیب شاہ عدالت میں پیش ہوئے تھے ایف آئی اے

کی جانب سے ملزم میاں طارق کی ضمانت کی مخالفت کی گئی تھی ،ایف آئی اے  پراسیکیوٹر نے اپنے دلائل میں عدالت کو بتایا تھا کہ جو میڈیکل رپورٹ عدالت میں پیش کی گئی اس پرضمانت نہیں دی جا سکتی، یاد رہے کہ جج ویڈیو سکینڈل کے مرکزی ملزم میاں طارق اس وقت اڈیالہ جیل میں قید ہیں ،عدالت نے دلائل مکمل ہونے پر فیصلہ محفوظ کیا تھا

موضوعات:جج ویڈیو سکینڈل