لاہور( این این آئی)مقامی عدالت نے سابق اسسٹنٹ اٹارنی جنرل شہباز تتلا کے قتل کے الزم میں گرفتار ایس ایس پی مفخر عدیل کو پانچ روزہ جسمانی ریمانڈ پر پولیس کے حوالے کر دیا ۔ ملزم ایس ایس پی مفخر عدیل کو انتہائی سخت سکیورٹی میں بکتر بند گاڑی میں ماڈل ٹائون کچہری میں جوڈیشل مجسٹریٹ شازیہ محبوب کی عدالت میں پیش کیا گیا ۔ پولیس کی جانب سے پیش کئے گئے موقف کے بعد جوڈیشل مجسٹریٹ شازیہ محبوب نے ملزم ایس ایس مفخر عدیل کو پانچ روزہ

جسمانی ریمانڈ پر پولیس کے حوالے کر دیا ۔ سماعت کے بعد میڈیا سے گفتگو کرتے ہوئے فرہاد علی شاہ ایڈووکیٹ نے کہا کہ ملزم نے 7فروری کو شہباز تتلا کو کلمہ چوک سے اپنی سرکاری جیپ میں اغواء کیا اور اس کے بعد ماڈل ٹائون میںکرائے پر لی گئی رہائشگاہ پر لے جا کر قتل کیا ۔ اس بعد لاش کو تیزاب میں تحلیل کر کے اسے ضائع کیا گیا ۔ملزم کی جانب سے شہباز تتلا کو اپنی سرکاری جیب میں اغواء کر کے لے جانے کے سیف سٹی اتھارٹی کی فوٹیجز موجود ہیں۔