کراچی (آن لائن )کرونا وائرس کے پھیلاؤ کے پیش نظر محکمہ صحت سندھ نے وزیراعلیٰ سے کراچی میں عوامی اجتماعات پر پابندی لگانے اور تعلیمی ادارے طویل دورانیے تک بند رکھنے کی سفارش کردی صوبائی وزیر صحت ڈاکٹر عزرا پیچوہو کی سربراہی میں محکمہ صحت سندھ کا اہم اجلاس ہوا جس میں پاکستان کرکٹ بورڈ کے حکام بھی شریک ہوئے، اجلاس میں کورونا وائرس کے کیسز کی تعداد میں
اضافے کے بعد کی صورتحال پر غور کیا گیا اور اس حوالے سے اہم فیصلے بھی کیے گئے۔ترجمان محکمہ صحت کیمطابق ائیرپورٹ پورٹ پر ہیلتھ ڈیسک قائم کیا جائے گا جہاں کراچی آنے والے تمام مسافروں کی اسکریننگ کی جائے گی۔جبکہ تمام نجی و سرکاری اسپتالوں میں فرنٹ لائن ڈیسک بھی بنانے کا فیصلہ کیا گیا ہے، فرنٹ لائن ڈیسک کورونا وائرس کے حوالے سے معلومات بھی فراہم کرے گی۔کورونا وائرس میں مبتلا مریضوں کو گڈاپ میں قائم اسپتال میں طبی سہولیات فراہم کی جائیں گی جبکہ شہر میں عوامی اجتماعات نہ کرانے سے متعلق ایڈوائزری جاری کی جائے گی ترجمان کے مطابق وزیراعلیٰ سندھ سے تمام تعلیمی اداروں کو طویل دورانیے تک بند رکھنے اور پی ایس ایل کی طرز پر ہونے والے عوامی اجتماعات پر بھی پابندی لگانے کی سفارش کی جائے گی۔
