لاہور( این این آئی )نامعلوم افراد نے فائرنگ کر کے انسداد دہشتگردی کی خصوصی عدالت کے ملازم کو قتل کر دیا، واقعہ کی اطلاع ملتے ہی احتساب عدالت کے عملے نے کام چھوڑ دیا ۔ پولیس نے لاش کو پوسٹمارٹم کیلئے مردہ خانے منتقل کرکے تحقیقات کا آغاز کردیا ۔ بتایا گیا ہے کہ انسداد دہشتگردی کی خصوصی عدالت کا نائب قاصد
طارق طفیل صبح گھر سے عدالت آرہا تھاکہ نامعلوم افرادنے فائرنگ کر دی ۔ طارق طفیل کو شدید زخمی حالت میں ہسپتال منتقل کیا گیا مگر وہ جانبر نہ ہو سکا ۔ نائب قاصد طارق طفیل انسداد دہشتگردی کی خصوصی عدالت کے جج ارشد حسین بھٹہ کی عدالت تعینات تھا ۔واقعہ کی اطلاع ملتے ہی احتساب عدالت کے عملے نے کام چھوڑ دیا۔
