اسلام آباد (این این آئی)پاکستان مسلم لیگ (ن) کے صدر اور قائد حزب اختلاف شہباز شریف نے نواز شریف کے ذاتی معالج ڈاکٹر عدنان پر حملے کی شدید مذمت کرتے ہوئے کہا ہے کہ ڈاکٹر عدنان پر  حملہ نواز شریف کے علاج میں رکاوٹ ڈالنے کے لیے کیا گیا،واقعہ کی رپورٹ درج کرادی گئی ہے،امید ہے لندن ۔پولیس اِس واقعے کی تحقیقات کر کے ملوث عناصر کو سامنے لائے گی۔

ایک بیان میں انہوںنے کہاکہ حملے کا انداز بتا رہا ہے کہ یہ منظم اور سوچی سمجھی واردات ہے۔ انہوںنے کہاکہ واقعہ کی رپورٹ درج کرادی گئی ہے۔ انہوںنے کہاکہ امید ہے لندن پولیس اِس واقعے کی تحقیقات کر کے ملوث عناصر کو سامنے لائے گی۔ انہوںنے کہاکہ شرپسند اس سے پہلے ہماری رہائش گاؤں پر حملے کر چکے ہیں۔ انہوںنے کہاکہ پارٹی رہنما اور کارکن مشتعل نہ ہوں، ہم قانون کے ذریعے شرپسندعناصر تک پہنچیں گے۔ انہوںنے کہاکہ ایسی بزدلانہ وارداتوں سے مسلم لیگ (ن) کی قیادت، رہنماؤں اور کارکنان کے حوصلے پست نہیں کئے جاسکتے۔ انہوںنے کہاکہ اللہ تعالی کا شکر ہے کہ ڈاکٹر عدنان کی جان حملے میں محفوظ رہی، دعا ہے کہ اللہ تعالی ان کو جلد صحت یاب فرمائے۔ آمین۔‎

موضوعات:شہباز شریف