اسلام آباد(نیوز ڈیسک) پاکستان پیپلز پارٹی کے رہنما اور کراچی سے تعلق رکھنے والے ممبر قومی اسمبلی عبدالقادر قادر پٹیل نے کہاہے کہ شیخ رشید کرائے کے لاوڈ اسپیکر ہیں۔عبدالقادر قادر پٹیل نے اپنے ایک بیان میں وزیر ریلوے شیخ رشید احمد کو آڑھے ہاتھوں لیتے ہوئے کہا کہ ان کی زبان ہی ان کی پرورش کا پتہ دیتی ہے۔
انہوں نے کہا کہ شیخ رشید پہلے کرائے کے جاسوس تھے، تاہم اب وہ کرائے کے لاوڈ اسپیکر بنے ہوئے ہیں۔عبدالقادر قادر پٹیل نے کہا کہ کیا ہم بتائیں شیخ رشید کے والد بابڑھا بازارمیں کیا کرتے تھے؟پی پی رہنما نے سر شاہنواز خان بھٹو کے حوالے سے بات کرتے ہوئے کہا کہ وہ برصغیر کے قابل احترام سیاستدان تھے۔
