اسلام آباد (این این آئی)پاکستان مسلم لیگ(ن) کے صدر اور قائد حزب اختلاف شہباز شریف نے بزرگ کشمیری رہنما سید علی گیلانی کی صحت کے لئے قوم سے دعا کی اپیل کرتے ہوئے کہا ہے کہ سید علی گیلانی چلتا پھرتا پاکستان ہیں ،ان کی شدید علالت پوری قوم کے لئے باعث پریشانی و فکر ہے ۔ ایک بیان میں اپوزیشن لیڈر نے کہاکہ
سید علی گیلانی مرد درویش اور مرد آہن ہیں، ہم انہیں اپنے سر کا تاج سمجھتے ہیں ۔ انہوںنے کہاکہ حکومت پاکستان سید علی گیلانی کے بیرون ملک علاج کے لئے اقوام متحدہ میں آواز اٹھائے۔ انہوںنے کہاکہ پوری قوم سے سید علی گیلانی کی صحت کاملہ کے لئے خصوصی دعا کی اپیل ہے ،اللہ کریم سید علی گیلانی کو مکمل صحت عطا فرمائے۔ آمین۔
