اسلام آباد (این این آئی)سابق وزیر اعظم اور مسلم لیگ (ن)کے نائب صدر شاہد خاقان عباسی نے انکشاف کیا ہے کہ اگر وزرا لندن پلان کی تصدیق کر رہے ہیں تو میں اختلاف کیسے کر سکتا ہوں۔ایک انٹرویو میں مسلم لیگ ن کے رہنما اور سابق وزیر اعظم شاہد خاقان عباسی نے کہا کہ حکومت ناکام ہو چکی ہے اور ہر دن ان کا ملک پر بہت بھاری ہے۔انہوں نے کہا کہ وزیر لندن پلان چھوڑیں آٹے، چینی کی فکر کریں،

ملک میں کوئی حکومت ہے ہی نہیں جلد ہی عوام سڑکوں پر آ ئیں گے تو حکومت ختم ہو جائے گی۔پنجاب میں تبدیلی پر شاہد خاقان عباسی نے کہا کہ پنجاب حکومت ناکام ہوچکی ہے اور اسے ہٹانے کے لیے ہر حربہ استعمال کیا جائے گا۔چوہدری نثار علی خان کی واپسی اور مسلم لیگ ن میں شمولیت پر شاہد خاقان عباسی نے کہا اگر پارٹی میں واپس آ ئیں تو خوش آ مدید کہیں گے۔