علی پور (این این آئی)مظفر گڑھ کی تحصیل علی پور میں آپس کے جھگڑے کے بعد جڑواں بہنوں نے خود کشی کر لی۔مظفر گڑھ کی تحصیل علی پور کے علاقے فتح پور جنوبی میں 16 سالہ جڑواں بہنوں طاہرہ اور سمیرا میں جھگڑا ہوا، جھگڑے کے بعد دلبرداشتہ ہو کر دونوں بہنوں نے
زرعی سپرے پی کر خودکشی کر لی۔پولیس کے مطابق دونوں بہنوں کو تشویشناک حالت میں ٹی ایچ کیو اسپتال علی پور منتقل کیا گیا جہاں وہ دم توڑ گئیں۔حکام کے مطابق جڑواں بہنوں کی لاشوں کو پوسٹ مارٹم کیلئے ہسپتال منتقل کر دیا گیا ہے اور واقعہ کی تحقیقات شروع کر دی گئی ہیں۔
