کرا چی(این این آئی) کراچی میں کورونا وائرس پھیلنے کے خدشے کے باعث میئر کراچی وسیم اختر کی ہدایت پر بلدیہ عظمیٰ کراچی کے تمام اسپتالوں میں ہائی الرٹ نافذ کردیا گیا ہے۔ تمام طبی اداروں کی انتظامیہ کو ہدایت کی گئی ہے کہ وہ کسی بھی قسم کی صورتحال سے نمٹنے کے لئے پیشگی منصوبہ سازی کرلیں اور عملے کی اپنی ڈیوٹیوں پر
موجودگی یقینی بنائیں، ہنگامی حالات کے دوران طبی عملے کی تمام قسم کی چھٹیاں منسوخ رہیں گی جبکہ فوکل پرسنز فول پروف انتظامات کے ہمراہ اسپتالوں میں کسی بھی ہنگامی صورتحال سے نمٹنے کے لئے تیار رہیں، دی گئیں ہدایات پر سختی سے پابندی کی ہدایت کی گئی ہے جس کی خلاف ورزی پر ای اینڈ رولز کے تحت کارروائی ہوگی۔
