اسلام آباد (این این آئی)ڈپٹی چیئرمین سینیٹ سلیم مانڈی والا نے تنخواہ بڑھانے سے متعلق بل سے لاتعلقی کا اظہار کردیا۔ ایک بیان میں سلیم مانڈ ی والا نے کہاکہ بل سے متعلق مشاورت ضرور ہوئی تھی لیکن حمایت کے لئے حامی نہیں بھری، خوشی ہوگی حکومت میری تنخواہ بڑھانے کی بجائے غریب عوام کو فائدہ پہنچائے۔ پاکستان تحریک انصاف کے سینیٹر فیصل جاوید نے کہاہے کہ
اراکین سینٹ کی تنخواہوں میں اضافے کے بل پر ہماری جانب سے یقینی انکار ہے۔ ایک بیان میں سینٹر فیصل جاوید نے کہاکہ ملک ایک مشکل دور سے گزر رہا ہے چنانچہ یہ مناسب وقت نہیں، ہم کفایت شعاری کے وزیراعظم کے ویژن کیساتھ ہیں۔سینٹر فیصل جاوید نے کہاکہ وزیراعظم نے کفایت شعاری کا آغاز خود سے کیا، وزیراعظم قومی خزانے کے تحفظ کی مثال قائم کررہے ہیں۔
