اسلام آباد (این این آئی)پاکستان تحریک انصاف کے رہنما سینیٹر فیصل جاوید نے کہا ہے کہ ایک پروگرام کے تحت حج مہنگا کرنے کا پروپیگنڈا کیا جا رہا ہے۔ ایک بیان میں انہوں نے کہا کہ سعودی عرب کے نئے ٹیکسوں، حج ویزا فیس، ہیلتھ انشورنس فیس، فضائی کرائے میں اضافہ ہونا ناگزیر وجوہات ہیں۔انہوں نے کہاکہ پاکستان حکومت اور وزارتِ مذہبی امور نے کسی چیز کا اضافہ نہیں کیا ہے۔
واضح رہے کہ سوشل میڈیا پر مذہبی اسکالر علامہ ناصر مدنی کی ایک تقریر وائرل ہو گئی ہے جس میں انہوں نے حج اخراجات میں اضافے پر اپنے انداز میں تحریکِ انصاف کی حکومت کو تنقید کا نشانہ بنایا۔مذہبی اسکالر مفتی قوی کا کہنا ہے کہ علامہ ناصر مدنی کے متعلق کہنا ہے کہ ان کا اپنا مخصوص انداز ہے اور مزاحیہ انداز میں اہم معاملات پر وہ ہر بات کہہ دیتے ہیں۔
