سزا سنا دی گئی پتوکی( آن لائن )عدالت نے ملزم کو سزائے موت سنا دی۔ پتوکی میں 15 سالہ بچی کو زیادتی کے بعد قتل کرنے والے سفاک شخص کو سزا سنا دی گئی ہے۔تفصیلات کے مطابق گذشتہ سال اگست میں 60 سالہ شخص نے پندرہ سالہ لڑکی کو زیادتی کا نشانہ بنا ڈالا۔بعدازاں بے دردی سے قتل کر دیا تھا۔آج عدالت نے 60 سالہ شخص کو سزائے موت سنا دی ہے۔15سالہ لڑکی کو زیادتی کے بعد
قتل کرنے والے سفاک شخص نے لرزہ خیز انکشافات کیے تھے۔سفاک شخص کا کہنا تھا کہ مجھ پر شیطان آیا ہوا تھا۔میں گھر گیا، گھر میں کوئی بندہ موجود نہیں تھا تو میں نے موقع پاتے ہی بچی کو زیادتی کا نشانہ بنایا۔جب اس نے شور مچانے کی کوشش کی تو میں نے اس کے منہ پر تھپڑ مارا۔سفاک شخص نے مزید کہا کہ بچی مجھے تایا کہہ کر پکارتی تھی۔لیکن اس وقت میرے ذہن پر شیطان سوار تھا اس لیے مجھے کچھ سمجھ نہیں آیا۔سفاک شخص نے بچی کے زیادتی کے بعد اس کے سارے جسم پر سگریٹ سے نشان لگائے اور سگریٹ سے اس کا جسم سلگاتا رہا۔بعدازاں اس کی لاش پر تیزاب بھی پھینکا۔لڑکی کے اہل خانہ اس واقعے پر سخت غم وغصے میں تھے اور قانون نافذ کرنے والے اداروں سے انصاف کی اپیل کر رہے ہیں۔بچی کی والدہ کا کہناتھا کہ میری بچی کے ساتھ زیادتی کرنے والے درندے کو ایسی سزا ملنی چاہئیے کہ اسے اپنے گناہوں کا احساس ہو۔
