لاہور( این این آئی )صوبائی وزیر پراسیکیوشن چوہدری ظہیر الدین نے عمران خان کے نیوز چینل دیکھنے اور اخبارات نہ پڑھنے کے بیان پر من و عن عملدرآمد شروع کردیا۔صحافیوں سے غیر رسمی گفتگو کرتے ہوئے صوبائی وزیر پراسیکیوشن چوہدری ظہیر الدین کاکہناتھاکہ وزیر اعظم عمران خان نے موجودہ ملکی صورتحال کے پیش نظر نیوز چینل دیکھنے اور اخبارات پڑھنے سے
منع کیا تھا جس پر وہ مکمل عمل درآمد کررہے ہیں۔ڈرامہ سیریل ’’میرے پاس تم ہو‘‘کی اقساط دیکھی ہیںاور خوب محظوظ ہوئے اور اب نئی شروع ہونے والی ڈرامہ سیریل’’جھوٹی‘‘ بھی دیکھیں گے ۔ایک سوال کے جواب میں چوہدری ظہیر الدین کاکہناتھاکہ وہ تب تک نیوز چینل دیکھیں گے اور نہ اخبارات پڑھیں گے جب تک وزیر اعظم عمران خان کی جانب سے نئی ہدایات نہیں آ جاتیں۔
