لاہور( این این آئی )لاہور ہائیکورٹ نے درختوں کی کٹائی کے خلاف درخواست متفرق درخواست پر عبوری حکم جاری کرتے ہوئے حکومت کو درختوں کی کٹائی اور کٹے ہوئے درخت اٹھانے سے بھی روکدیا ۔چیف جسٹس لاہور ہائیکورٹ جسٹس مامون رشید نے درختوں کی کٹائی کے خلاف درخواست پر فیصلہ جاری کیا ۔فاضل عدالت نے درختوں کی کٹائی کے خلاف درخواست کو سماعت کے لئے منظور کرتے ہوئے

فریقین کو نوٹس جاری کر کے سماعت 17 فروری تک ملتوی کر دی ۔ درخواست گزار اظہر صدیق ایڈوکیٹ کی جانب سے درختوں کی کٹائی کو چیلنج کرتے ہویء موقف اپنایا گیا کہ پنجاب حکومت شہر میں درختوں کی کٹائی کررہی ہے، ایک طرف وزیراعظم کی جانب سے درخت لگانے کا سبق دیا جا دیا ہے اوردوسری جانب پنجاب حکومت ہی درخت کاٹ رہی ہے ۔ استدعا ہے کہ حکومت کو درختوں کی کٹائی سے روکا جائے۔‎