اسلام آباد (این این آئی)وزیراعظم کامیاب جوان پروگرام کے تحت قرض کی تقسیم کا عمل تیز ،حکومت نے پروگرام کے تحت سندھ میں بھی قرض کی فوری ادائیگی کا فیصلہ کرلیا اس سلسلے میں وزیراعظم عمران خان کل ایک روزہ دورہ پر کراچی پہنچیں گے،وزیراعظم سندھ بھر سے منتخب نوجوانوں میں رقم کے چیک تقسیم کرں گے،گورنر ہائوس کراچی میں
تقریب کی تیاریاں شروع,وزیراعظم خطاب کریں گے،گورنر سندھ, وفاقی وزراء اور نوجوانوں کی بڑی تعداد شریک ہو گی۔ عثمان ڈار نے کہاکہ وزیراعظم نے نوجوانوں کے لئے ملکی تاریخ کا سب سے زیادہ بجٹ مختص کیا ہے،سندھ سمیت ملک بھر کے نوجوانوں میں قرض کی فوری تقسیم شروع کر رہے ہیں۔عثمان ڈار نے کہاکہ سندھ کے لاکھوں نوجوان کامیاب جوان پروگرام کا بینر تلے آ چکے ہیں،پروگرام سے روزگار میں اضافہ اور غربت میں کمی آئے گی۔
