قومی بچت اسکیم میں سرمایہ کاری کی چھان بین کیلئے 5 رکنی سپروائزری بورڈ قائم

  ہفتہ‬‮ 25 جنوری‬‮ 2020  |  23:28

اسلام آباد (این این آئی)قومی بچت اسکیم میں سرمایہ کاری کی چھان بین کیلئے بورڈ قائم کر دیا گیا اس سلسلے میں وزارت خزانہ نے ایڈیشنل فنانس سیکریٹری بجٹ کی سربراہی میں 5 رکنی سپروائزری بورڈ کا نوٹیفکیشن جاری کر دیا،بورڈ کے دیگر ممبران میں اسٹیٹ بینک کے ڈائریکٹر سید جہانگیر شاہ سیکورٹیز اینڈ ایکسچینج کمیشن کی ایڈیشنل ڈائریکٹر تنزیلہ نثار مرزا فنانشل مانیٹرنگ یونٹ کے ڈائریکٹر عدنان عمران اور وزارت خزانہ کے جوائنٹ سیکریٹری بی ون شامل ہیں۔ ذرائع کے مطابق بورڈ قومی بچت اور پاکستان پوسٹ کی سکیموں میں سرمایہ کاری کرنے والوں کی جانچ پڑتالکے عمل کی


نگرانی کرے گا،ایف اے ٹی ایف شرائط کے تحت قومی بچت سکیموں میں کالعدم قرار دی گئی تنظیموں اور انکے عہدیداران کی نشاندہی کی جائے گی۔ذرائع نے بتایاکہ پروگرام کے تحت قومی بچت سکیموں میں سرمایہ کاری کرنے والوں کی بائیو میٹرک ویری فکیشن کی جائے گی،قومی بچت سکیموں میں 70 لاکھ سرمایہ کاروں نے 4033 ارب روپے کی سرمایہ کاری کی ہوئی ہے۔حکومت نے اینٹی منی لانڈرنگ اور دہشتگردی کی مالی معاونت روکنے کیلئے قومی بچت سکیموں سے سرمایہ کاری کرنے والوں کی ذرائع آمدن کی جانچ پڑتال کا فیصلہ کیا ہے۔


موضوعات:

زیرو پوائنٹ

پہلے جنم کے پانچ ساتھی

میں نے چند برس قبل حیات بعد ازمرگ پر کالم لکھا تھا‘ وہ عام سی فضول تحریر تھی‘ لوگوں نے اسے یاوہ گوئی سمجھ کر اگنور کر دیا لیکن وہ پڑھ کر میڈیکل کالج کی ایک سٹوڈنٹ نے مجھ سے رابطہ کیا اور بتایا ’’مجھے بچپن سے خواب آتے ہیں‘ میرا بڑا سا گھر ‘ ایک جوان بیٹا اور بہو ....مزید پڑھئے‎

میں نے چند برس قبل حیات بعد ازمرگ پر کالم لکھا تھا‘ وہ عام سی فضول تحریر تھی‘ لوگوں نے اسے یاوہ گوئی سمجھ کر اگنور کر دیا لیکن وہ پڑھ کر میڈیکل کالج کی ایک سٹوڈنٹ نے مجھ سے رابطہ کیا اور بتایا ’’مجھے بچپن سے خواب آتے ہیں‘ میرا بڑا سا گھر ‘ ایک جوان بیٹا اور بہو ....مزید پڑھئے‎