لاہور( این این آئی )لاہور ہائیکورٹ نے نیب کی جانب سے اینٹی منی لانڈرنگ کے اختیارات استعال کرنے کے خلاف درخواست پر نوٹس جاری کرتے ہوئے چیئرمین نیب سے آج ( جمعرات ) تک جواب طلب کر لیا۔ لاہورہائیکورت کے جسٹس طارق عباسی کی سربراہی میں دو رکنی بنچ نے سلامت علی کی درخواست پر سماعت کی ۔ درخواست گزار نے موقف اپنایا کہ نیب نے اس کے خلاف کراچی میں منی لانڈرنگ کیس کی انکوائری میں شروع کر رکھی، نیب نے انکوائری کراچی سے لاہور ٹرانسفر کرنے کی بجائے راولپنڈی کر دی ہے۔نیب منی لانڈرنگ کے خلاف تحقیقات نہیں کر
سکتا ۔ استدعاہے کہ عدالت نیب کو اینٹی منی لانڈرنگ کے اختیارات استعمال کرنے سے روکے اور درخواست گزار کے خلاف انکوائری راولپنڈی سے لاہور ٹرانسفر کرنے کا حکم دیا جائے ۔