برطانیہ سے آئی بہنوں کی موت کیسے ہوئی؟ پوسٹ مارٹم رپورٹ جاری

  ہفتہ‬‮ 18 جنوری‬‮ 2020  |  17:32

گجرات(این این آئی) گھر میں مردہ پائی جانے والی دو برطانوی بہنوں کی پوسٹ مارٹم رپورٹ پولیس کو موصول ہوگئی۔گزشتہ روز گجرات میں گھر سے دو برطانوی بہنوں نادیہ اور ماریہ کی لاشیں ملیں تھی، خواتین کے اہلخانہ نے دعویٰ کیا تھا کہ دونوں کی موت گیس لیکج سے دم گھٹنے کے باعث ہوئی۔میڈیا رپورٹ کے مطابق دونوں خواتین کی پوسٹ مارٹم رپورٹ پولیس کو موصول ہوگئی ہے جس میں دونوں کی موت کی وجہ دم گھٹنا ہی بتائی گئی ہے۔ابتدائی پوسٹ مارٹم رپورٹ میں بتایا گیا کہ لاشوں کو موت کے تقریباً 26 گھنٹے بعد ہسپتال لایا گیا تھا، دونوں


بہنوں کے جسم پر تشدد کے کوئی نشان نہیں ملے اور دونوں کے جسم پر کوئی سوجن یا خراش بھی نہیں تھی۔پوسٹ مارٹم رپورٹ میں دونوں بہنوں کی موت کی وجہ دم گھٹنے کو قرار دیتے ہوئے کہا گیا کہ معدے، پھیپھڑوں اور دل میں زہرکے اثرات دکھائی نہیں دیے۔

موضوعات: