اسلام آباد (مانیٹرنگ ڈیسک)سبحان اللہ ، جسے اللہ پاک رکھے اسے کون چکھے ، وادی نیلم کے گھر پر گرنے والے برفانی تودے میں 22گھنٹے سے پھنسی بچی کو زندہ نکا ل لیا گیاہے ۔ تفصیلات کے مطابق گزشتہ رات شدید برفباری کے سبب گرنے والے برفانی تودے سے ایک ہی گھر کے 8افراد جاں بحق ہو گئے تھے تاہم 22گھنٹے تودے کے نیچے دبی بچی کو زندہ نکال لیا گیا ہے ۔ بتایا گیا ہے کہ

بچی صفیہ کےتودے کے نیچے دب کا جاں بحق ہونیوالے دو بھائیوں سمیت آٹھ افراد کی لاشیں نکال لیں گئیں ہیں ۔ دوسری جانب چیف آف آرمی سٹاف جنرل قمر جاوید باجوہ نے آزاد کشمیر اور بلوچستان میں برفانی تودہ گرنے اور شدید برفباری سے ہونے والے جانی نقصان پر گہرے رنج و غم کا اظہار کیا ہے.۔ آئی ایس پی آر کے مطابق آرمی چیف جنرل قمر جاوید باجوہ نے آزاد کشمیر اور بلوچستان میں برفانی تودہ گرنے اور شدید برفباری سے ہونے والے جانی نقصان پراظہار افسوس کرتے ہوئےمتاثرہ خاندانوں سے اظہار ہمدردی کیا ہے۔ آئی ایس پی آر کے مطابق پاک آرمی چیف جنرل قمر جاوید باجوہ نے پاک فوج کو ہدایات جاری کیں کہ متاثرہ علاقوں میں سول انتظامیہ کو ریلیف اور ریسکیو آپریشن میں بھرپور مدد فراہم کی جائے۔ آئی ایس پی آر کے مطابق آرمی ایوی ایشن کے ہیلی کاپٹرز متاثرہ علاووں میں امدادی کارروائیوں میں مصروف ہیں، آرمی ہیلی کاپٹرز کی مدد سے شاردہ، سرگان، بکوال اور تربت میں امدادی سامان کی فراہمی ممکن بنائی گئی ہے ۔ پاک فوج کی سرچ اینڈ ریسکیو ٹیمیں بھی امدادی کاموں میں مصروف ہیں، جبکہ آرمی کیڈاکٹرز اور پیرا میڈیکل اسٹاف متاثرین کو علاج معالجے کی فراہمی میں مصروف ہیں، متاثرہ خاندانوں میں خیمے، کمبل اور راشن و ادویات بھی تقسیم کی گئی ہیں۔