اسلام آباد (این این آئی) اسلام آباد کی ایک نجی یونیورسٹی میں طالبہ کو ہراساں کرنے میں ایڈمنسٹریشن سٹاف سہولت کار نکلا۔ تفصیلات کے مطابق یہ واقعہ اْس وقت سامنے آیا جب ایک طالبہ کو ایک شخص کی جانب سے ہراساں کیا گیا۔ طالبہ نے نام ظاہر نہ ہونے کی شرط میں اس واقعے کے بارے میں مزید بتایا کہ جب اس معاملے
پر تفتیش کی گئی تو معلوم ہوا کہ ایڈمنسٹریشن سٹاف کی جانب سے لڑکی کا نمبر اْس شخص کو دیا گیا اور جب اْس ایڈمنسٹریشن سٹاف کے خلاف کمپلین کی گئی تو وائس چانسلر کی جانب سے کوئی کاروائی نہ کی گئی بلکہ طالبہ کو خاموش رہنے کا کہا گیا۔ آئے روز اس طرح کے واقعات سے طالبہ میں خوف طاری ہو رہا ہے۔
