اسلام آباد (این این آئی) اسٹیبلشمنٹ ڈویڑن میں سٹیشنری و ٹونرز کی خریداری میں بیس کروڑ روپے کا فراڈ کا انکشاف ہوا ہے چیف فنانس اینڈ اکاوئنٹس افسر نے انکوائری کے لئے سیکرٹری اسٹیبلشمنٹ ڈویڑن کو یاد دہانی کا مراسلہ بھیج دیا۔ مراسلہ میں کہاگیا کہ فراڈ کی نشاندہی اسٹیبلشمنٹ ڈویڑن کی محکمانہ آڈٹ رپورٹ 2016-17 میں
کی گئی، مراسلہ کے مطابق 20 کروڑ کے فراڈ کے معاملے کی انکوائری جلد مکمل کی جائے، 20 کروڑ کی کرپشن انتہائی سنجیدہ معاملہ ہے۔ مراسلہ میں کہاگیاکہ احکامات کے باوجود کرپشن کی انکوائری 7 ماہ سے بے نتیجہ زیر التواء ہے۔ ذرائع اسٹیبلشمنٹ ڈویژن کے مطابق اسٹیبلشمنٹ ڈویژن کی نادیدہ قوتیں انکوائری میں دیوار ہیں۔
