لاہور(این این آئی )پاکستان مسلم لیگ (ن) کے رکن قومی اسمبلی جاوید لطیف نے نیب کی جانب سے ممکنہ گرفتاری کیخلاف لاہور ہائیکورٹ سے رجوع کر لیا۔جاوید لطیف نے اپنے خلاف نیب کی انکوائری کو لاہور ہائیکورٹ میں چیلنج کرتے ہوئے موقف اپنایاگیاہے کہ نیب نے غیر قانونی اثاثے بنانے کے
الزام میں انکوائری شروع کی ،نیب نے تمام جائیداد وں کی تفصیلات مانگی ہیں، انہی الزامات میں محکمہ اینٹی کرپشن اپنی تحقیقات بند کرچکا ہے۔مسلم لیگ (ن)کا ترجمان ہونے پر انتقام کا نشانہ بنایاجارہا ہے۔استدعا ہے کہ نیب کو کسی بھی اقدام سے روکا جائے اور عبوری ضمانت قبل از گرفتاری منظور کی جائے۔
