اسلام آباد (این این آئی)وفاقی بیوروکریسی ایک بار پھر اپنے حقوق کے لئے متحرک ہو گئی ہے۔وفاقی ملازمین کی تنخواہوں میں اضافے کی تجاویز وزیراعظم کو بھجوانے کا فیصلہ کیا گیا ہے۔وفاقی بیوروکریسی کا سب سے بڑا فورم ”یٹریز کمیٹی“تجاویز وزیراعظم کو بھجوائے گا۔ذرائع کے مطابق آئندہ مالی سال کے بجٹ سے تنخواہوں میں اضافے کی تجاویز وزیراعظم کو بھجوائی جائیں گی،وفاقی ملازمین کو خصوصی الاؤنسز دینے کے حوالے سے بھی تجاویز دی جائیں گی۔ذرائع کے مطابق

سیکرٹریز کمیٹی نے وزارتوں و محکموں سے سیلری پیکجز کی تفصیلات طلب کر لیں، مستقل، کنٹریکٹ و ڈیلی ویجز ملازمین کے سیلری پیکجز کی تفصیلات بھی طلب کر لی گئیں۔ذرائع کے مطابق سیکرٹریز کمیٹی خصوصی الاؤنسز دینے والے اداروں کے پے سکیل کا جائزہ لے گی،ٹھوس دلائل پر مبنی تنخواہوں میں اضافے کی تجاویز وزیراعظم کو بھجوائی جائیں گی۔ذرائع سیکرٹریز کمیٹی نے کہا ہے کہ مہنگائی کی بڑھتی ہوئی شرح وفاقی ملازمین کی تنخواہوں میں اضافہ ناگزیر ہے۔