لاہور( این این آئی )صوبائی وزیرقانون راجہ بشارت نے کہا ہے کہ نواز شریف کی جانب سے درخواست موصول ہو گئی ہے، رانا ثنااللہ کی ضمانت عدالت نے منظور کی ہے ۔ پنجاب اسمبلی کے احاطے میں میڈیا سے غیر رسمی گفتگو کرتے ہوئے انہوں نے کہا کہ نواز شریف کی درخواست کے ساتھ میڈیکل رپورٹس لف کی گئی ہیں،فراہم کی گئی میڈیکل رپورٹس بیرون

ملک اور پاکستان کے اداروں کی جاری کر دہ ہیں۔انہوں نے ایک سوال کے جواب میں کہا کہ محکمہ داخلہ کو موصول ہونے والی درخواست پر ابھی تک کوئی کمیٹی تشکیل نہیں دی گئی۔ انہوںنے رانا ثنا اللہ کی ضمانت منظور ہو نے کے حوالے سے سوال کے جواب میں کہا کہ رانا ثنااللہ کی ضمانت عدالت نے منظور کی ہے، یہ تاثر غلط ہے کہ رانا ثنااللہ کو عدم ثبوت پر رہا کیا گیا ہے۔