کوئٹہ (آن لائن) بلوچستان حکومت میں تبدیلی کے لئے جمعیت علماء اسلام متحرک ہوگئی بلوچستان کے امیر مولانا عبدالوسع کی اہم سیاسی شخصیات سے ملاقاتیں صلاح و مشورے اور امور کو زیرغور لانے کے لئے مولانا عبدالوسع اسلام آباد روانہ ہوگئے

جہاں قائد جمعیت مولانا فضل الرحمان سے ملاقات کریں گے ذرائع کے مطابق گزشتہ دنوں اہم سیاسی شخصیات کی کوئٹہ میں ملاقاتیں جس میں سیاسی امور کے ساتھ ساتھ حکومت میں تبدیلی کے حوالے سے بھی امور زیر غور لائے گئے ان ملاقاتوں میں جمعیت علماء اسلام کے جانب سے اس امر کو واضح کیا گیا کہ صوبائی حکومت میں تبدیلی کے حوالے سے جمعیت علماء اسلام بلوچستان کے امیر مولانا عبدالوسع قائد جمعیت مولانا فضل الرحمان سے ملاقات کی جائے گی اور ان کے سامنے تمام محرکات رکھے جائیں گے ذرائع کے مطابق صوبائی امیر مولانا عبدالوسع حکومت میں تبدیلی کے حوالے سے اہم پیغام لیکر اسلام آباد پہنچ گئے جہاں قائد جمعیت مولانا فضل الرحمان کو اس سے متعلق آگاہ کریں گے اس حوالے سے صوبائی امیر مولانا عبدالوسع سے رابطہ کرنے پر انہوں نے بھی اہم سیاسی ملاقاتوں کی تصدیق کرتے ہوئے کہا کہ ہمیں جو پیغام دیا گیا ہے وہ پیغام لیکر قائد جمعیت مولانا فضل الرحمان کے پاس آئے ہیں اس حوالے سے کوئٹہ واپس آکر بات چیت کرونگا۔

موضوعات:جمعیت علماء اسلام متحرک