اسلام آباد ( آن لائن )محکمہ موسمیات کے مطابق آئندہ 24 گھنٹوں کے دوران پنجاب اور بالائی سند ھ کے بیشتر میدانی علاقوں جبکہ خیبر پختونخوا کے بعض اضلاع میں رات اور صبح کے اوقات میں شدید دھند چھائے رہنے کی توقع ہے تاہم ملک کے دیگر علاقوں میں موسم سرد اور خشک جبکہ بالائی علاقوں میں شدید سرد رہے گا۔اس دوران خیبر پختونخوا اور خطہ پوٹھوہار میں کہر پڑنے کا بھی امکان ہے۔رپورٹ کے مطابق گذشتہ 24 گھنٹوں میں ملک کے

زیادہ تر علاقوں میں موسم خشک اور سرد جبکہ بالائی علاقوں میں شدید سرد رہا ہے۔ پیر کو ملک کے مختلف علاقوں سے ریکارڈ کئے گئے کم سے کم درجہ حرارت کی رپورٹ کے مطابق سکردو میں درجہ حرارت منفی 11 ڈگری تک کم ہو گیا جبکہ گوپس، استور میں درجہ حرارت منفی 9، قلات منفی 8، بگروٹ، گلگت، کالام منفی 6، کوئٹہ منفی 5، پاراچنار، مالم جبہ منفی 4، چترال منفی 3، دیر، راولاکوٹ منفی 2، چلاس اور مری میں منفی ایک ڈگری سینٹی گریڈ ریکارڈ کیا گیا۔

موضوعات:محکمہ موسمیات