اسلام آباد(مانیٹرنگ ڈیسک)خیبر پختونخوا کے شہر نوشہرہ کے علاقے آضا خیل سپین کانٹری میں تحریک انصاف کے مقامی رہنما ٹھیکیدار شیرولی کو گھر میں فائرنگ کر کے قتل کر دیا گیا۔نجی ٹی وی کے مطابق نامعلوم نقاب پوش ملزم نے گھر میں گھس کر فائرنگ کی۔

ملزم رات کی تاریکی کا فائدہ اٹھاتے ہوئے فرار ہوگیا، پوسٹمارٹم کے بعد لاش ورثا کے حوالے کر دی گئی۔مقتول کے بیٹے کے مطابق ان کی کسی کے ساتھ کوئی دشمنی نہیںتھی۔ تھانہ آضا خیل پولیس نے مقتول کے بیٹے کی مدعیت میں نامعلوم ملزمان کے خلاف مقدمہ درج کرلیاہے ۔