اسلام آباد (این این آئی) پاکستان پیپلز پارٹی کے رہنما اور معروف قانون دان اعتزاز احسن نے کہا ہے کہ جسٹس وقار سیٹھ کے الفاظ انتہائی لغو، غیر آئینی اور غیر قانونی ہے تاہم ان کے خلاف نااہلی ریفرنس سے کیس کا فیصلہ متاثر نہیں ہو گا۔ایک انٹرویومیں اعتزاز احسن نے کہا کہ جسٹس وقار سیٹھ کی اہلیت پر سوال اٹھ گیا ہے، جسٹس وقار سیٹھ
کے ایک پیرے کی وجہ سے پرویز مشرف کی اپیل اور مضبوط ہوگئی ہے بس اب سوال یہ ہے کہ سنگین غداری ثابت ہوچکی اس نقطے کو کس طرح مٹائیں گے۔میجر جنرل (ر) اعجاز اعوان کے چیف جسٹس کی جانب سے ازخود نوٹس کے مطالبے پر اعتزاز احسن نے کہا کہ جہاں اپیل کا حق ہو وہاں ازخود نوٹس نہیں ہوسکتا۔
