ڈیرہ مراد جمالی( آن لائن )بولان کے علاقے میں نامعلوم تخریب کاروں نے دھماکہ خیز مواد سے کوئٹہ جانے والی گیس پائپ لائن تباہ کردیا دھماکے کے بعد پائپ لائن میں آگ لگ گئی ۔لیویز فورس کے مطابق ضلع بولان کے علاقے ڈھاڈر کے قریب نامعلوم شرپسندوں نے کوئٹہ جانے والی گیس پائپ لائن کو دھماکہ خیز مواد نصب کرکے اڑا دیا

جس سے دھماکے کے بعد گیس پائپ لائن میں آگ لگ گئی ۔گیس حکام کے مطابق پائپ لائن میں تباہ ہونے کی وجہ سے کوئٹہ کے مختلف علاقوں میں گیس کی سپلائی منقطع ہوگئی ہے اور پائپ لائن کی مرمت کے لئے ٹیمیں روانہ کردی گئی ہیں لیویز فورس نے علاقے کی ناکہ بندی کرکے شرپسندوں کی تلاش شروع کردی ہے۔

موضوعات:گیس پائپ لائن