لاہور( این این آئی )پاکستان مسلم لیگ(ن)لاہور کے صدر و رکن قوم اسمبلی محمد پرویز ملک اور جنرل سیکرٹری ورکن پنجاب اسمبلی خواجہ عمران نذیر نے کہا ہے کہ سلیکٹڈ وزیر اعظم نے ملک کے اہم اداروں کونقصان پہنچانے کی بھر پور کوشش کی جو کہ آئین پاکستان کی خلاف ورزی ہے ،عمران خان کو پرویزمشرف کے حالات سے عبرت حاصل کرنی چاہیے،وہ بھی مکے دکھا کر سیاسی مخالفین کو ڈرایا ددھمکایا کرتے تھے۔پارٹی آفس میں میڈیا سے گفتگو کرتے ہوئے انہوں نے کہا کہ ہمارا اور عوام کا رشتہ کوئی نہیں توڑ سکتا ،
عمران نیازی اپنی نااہلی کی وجہ سے پاکستان کو ریاست مدینہ بنانے کی اہلیت نہیں رکھتے،آپ نواز شریف کی طرح11ہزار میگاواٹ بجلی پیدا نہیں کرسکتے کیونکہ آپ نالائق ،ووٹ چور اور جھوٹے ہیں،15ماہ کے اندر آپ کی حکومت نے کشمیریوں کا سودا کیا، عوام پر مہنگائی کے پہاڑ توڑ ے گئے ،غریب کے لئے ایک وقت کی روٹی بھی مشکل ہو گئی ہے حکومتیں عوام کی خواہشات پر چلتی ہیںلیکن دھاندلی اور چور دروازے سے آنے والے نالائقوںکا اپنا کوئی وژن نہیں ہوتا ،جعلی حکومتیں دوسروں کی شرائط پر چلتی ہیں، عمران خاں کو جعلی مینڈیٹ دیا گیا۔
