اسلام آباد (مانیٹرنگ ڈیسک)سینئر صحافی عارف حمید بھٹی کا کہنا ہے کہ اگر عدالت تین ماہ یا چھ ماہ کی مدت ملازمت میں توسیع دیتی ہے تو نیا پنڈوراباکس کھل جائے گا۔نجی ٹی وی سے گفتگو کرتے ہوئے انہوں نے کہا کہ فروغ نسیم کے بطور وزیر قانون استعفیٰ دینے کا کوئی فائدہ نہیں ہوا۔ذمہ دار ذرائع کا کہنا ہے کہ وزیراعظم عمران خان فروغ نسیم سے بہت نالاں تھے۔عارف حمید بھٹی نے مزید کہا کہ سپریم کورٹ میں ہونے والی آج کی سماعت

کے بعد ملک میں پیدا ہونے والا ہیجان ختم ہو گیا۔اب دیکھنا ہے کہ عدالت آرمی چیف کی مدت ملازمت کتنی مقرر کرتی ہے۔اگر عدالت تین ماہ یا چھ ماہ کی مدت ملازمت میں توسیع دیتی ہے تو نیا پنڈوراباکس کھل جائے گا تاہم ہمیں عدالت کے فیصلے کا انتظار کرنا ہو گا۔حکومت کی تھوڑی سی نا اہلی کی وجہ سے آج یہ حالات آئے ہیں کہ وہ گفتگو ہو رہی ہے جو نہیں ہونی چاہئے تھی۔چند نا اہلیوں کی وجہ سے دو اداروں پر تبصرے ہورہےہیں۔

موضوعات:عارف حمید بھٹی