اسلام آباد (مانیٹرنگ ڈیسک)سینئر صحافی و تجزیہ کار حامد میر نے نجی ٹی وی پروگرام میں گفتگو کرتے ہوئے کہا کہ نوٹیفکیشن معطلی کی وجہ طریقہ کار کی غلطی تھی۔ کابینہ کے ہنگامی اجلاس میں دوبارہ سمری جاری کر کے اپنی غلطی تسلیم کرلی ہے۔یہ معاملہ سپریم کورٹ اور وزیراعظم کے درمیان آچکا ہے۔ آرمی چیف جنرل قمر جاوید باجوہ
ذاتی طور پر مدت ملازمت میں توسیع کے حامی نہیں تھے ۔جن لوگوں نے آرمی چیف کو توسیع دی، ان لوگوں نے ہی نوٹیفکیشن میں غلطیاں کی ۔ ہوسکتا ہے عدالت میں سوال اٹھا دیا جائے کہ کیا ایک آدمی کو مدنظر رکھ کر قانون سازی کی جاسکتی ہے؟ اگر فروغ نسیم تسلی بخش جواب دینے میں کامیاب ہو گئے تو عدالت موقف تسلیم کرلے گی۔
