اسلام آباد (مانیٹرنگ ڈیسک) سینئر وکیل اورپاکستان پیپلز پارٹی کے رہنما اعتزاز احسن کا کہنا ہے کہ آرمی چیف کو ایکسٹینشن دینا وزیراعظم کا حق ہے۔ میڈیا سے گفتگو کرتے ہوئے انہوں نے کہاکہ آرمی چیف کی ایکسٹینشن پارلیمنٹ کی خود مختاری ہے۔آرٹیکل 245 وزیراعظم کو آرمی چیف کی مدت ملازمت میں توسیع کا حق دیتا ہے۔انہوں نے کہا کہ ایکسٹینشن صحیح ہے یا غلط اس کو بعد میں چیلنج کیا جا سکتا ہے ۔

ایکسٹینشن کا اختیار نہ خود آرمی کے پاس ہے نہ چیف جسٹس کے پاس ہے۔میں نے آرٹیکل 245 میں گزشتہ روز کی گئی ترمیم نہیں دیکھی۔آرٹیکل 243 واضح کہتا ہے کہ صدر صرف ایکسٹینشن دے سکتا ہےجس کی تجاویز وزیراعظم دے۔انہوں نے کہا ہے کہ عدالت کو آرمی چیف کی مدت ملازمت میں توسیع کے معاملے میں مداخلت کا کوئی اختیار نہیں۔کابینہ کے کتنے ارکان نے حمایت کی یہ بھی معنی نہیں رکھتا۔