لاہور(این این آئی)لاہور کے علاقے گلبرگ میں شادی سے تین روز قبل قتل ہونے والی 22 سالہ حرا کے کیس میں اہم پیشرفت ہوئی ہے، بہنوئی نے قتل کیا، پولیس نے مقتولہ کا موبائل فون ریکارڈ حاصل کرنے کے بعد دو قریبی رشتہ داروں کو حراست میں لیا تھا۔نجی ٹی وی کے مطابق22 سالہ حرا کے قتل سے کچھ دیر قبل دونوں رشتہ داروں نے طویل گفتگو کی اور مسیجز کئے۔ بتایا گیا ہے کہ گوجرانوالہ کا رہائشی عدنان حراکو پسند کرتا تھا
اور اس نے ہی حرا کو قتل کیا۔ذرائع کے مطابق اس کیس کی گتھی کو سلجھانے کے لئے پولیس کی دو ٹیمیں تشکیل دی گئی تھیں۔ پولیس نے سیف سٹی اتھارٹی سے جائے وقوعہ کے اطراف میں لگے ہوئے کیمروں کی فوٹیجز تک رسائی کی بھی درخواست کی تھی۔ گلبرگ کے علاقے میں مقتولہ حرا کو شادی سے تین روز قبل گھر سے باہر بلا کر قتل کیا گیا۔ مقتولہ پر چھ گولیاں چلائی گئیں اور اس میں تین اسے لگیں۔
