لاہور(این این آئی)پاکستان مسلم لیگ (ن) کا احتجاج رنگ لے آیا،سپیکر پنجاب اسمبلی نے پیر کے روز سے شروع ہونے والے اجلاس کے لئے قائد حزب اختلاف حمزہ شہباز اور رکن اسمبلی خواجہ سلمان رفیق کے پروڈکشن آرڈر جاری کر نے کی منظوری دیدی۔کرپشن کیسز میں گرفتار حمزہ شہباز اور سلمان شہباز جوڈیشل ریمانڈ پر اس وقت کوٹ لکھپت اور کیمپ جیل میں قید ہیں۔مسلم لیگ (ن)نے گزشتہ اجلاسوں میں پروڈکشن آرڈر جاری نہ کرنے پر دو روز قبل احتجاجاً قائمہ کمیٹیوں کی رکنیت سے مستعفی ہونے کے لئے اپنے استعفے اسمبلی سیکرٹریٹ میں جمع کر ائے تھے۔