اسلام آباد(آن لائن) پاکستان نے عالمی سطح پر ایک اور بڑا اعزاز اپنے نام کرلیا۔ پاکستان گرین کلائیمٹ فنڈ کی سربراہی کرے گا۔گرین کلائمیٹ فنڈ کے 24 رکنی بورڈ نے پاکستان کے ممبر نعمان بشیر بھٹی کو متفقہ طور پر 2020 تک صدر متخب کر لیا گیا۔

پاکستان اور فرانس دونوں ممالک کے نمائندے گرین کلائیمٹ فنڈ کی سربراہی کریں گے۔مشیر ماحولیات ملک امین اسلم کا کہنا ہے کہ گرین کلائمٹ فنڈ کی سربراہی ملنا بڑا اعزاز ہے، سربراہی ملنے سے مزید فنڈز کا حصول آسان ہو جائے گا۔ملک امین اسلم کا کہنا تھا کہ عالمی ممالک 100ارب ڈالر کا فنڈ مختص کریں گے، پاکستان اب تک 140ملین ڈالرز کا فنڈز لے چکا ہے، سربراہی ملنے سے مزید فنڈز کا حصول آسان ہو جائے گا، پاکستان 10ارب درخت اگانے کے لئے بھی معاونت حاصل کر سکے گا۔اس سے پہلے عالمی سطح پر بون چیلنج میں پاکستان کی جانب سے 10ارب درختوں کی سونامی مہم کے ذریعے جنگلات کی بحالی کی کوششوں کو سراہا گیا ہے۔پاکستان پہلا ملک ہے جس نے وسیع و عریض رقبے پر جنگلات کی بحالی کا عزم کیا تھا۔گرین کلائمٹ فائنڈ عالمی سطح پر ماحولیاتی تبدیلی کے لئے مختص کیا گیا سب سے بڑا فنڈ ہے۔ جس میں 2015 سے 7 بلین یو ایس ڈالر جمع کیے کا چکے ہیں۔اور 2023 تک 9.8 بلین یو ایس ڈالر موسمیاتی تبدیلی پروجیکٹ کے فنڈز کے لیے ترقی پذیر ممالک کو فراہم کیے جائیں گے۔۔۔۔۔۔اعجاز خان